【Emily】吃生日飯 副局何啟明有感想 「體會到港人點解鍾意上深圳」

【明報專訊】副勞工及福利局長何啟明日前39歲生日，話本來開開心心一家人去遊客區食晚飯夜繽紛，帖文話中有意：「終於體會到香港人點解咁鍾意上深圳食飯」.

何啟明無講幫襯邊間食店，指「細節不細說」。佢話商家沒有錯，服務也到位，「規矩清楚的前提下，我們也付得起」，但晚餐後佢心中只有一個問題：「究竟我們香港商家希望做到服務周到，賓至如歸，希望各位成為回頭客；還是服務高質素，不出錯，但不鼓勵客人回頭，寫不出一段網上好評？」佢又話所以借用電影《食神》嘅金句，「根本就沒有食神……只要用心……人人都可以是食神！」

自由黨前榮譽主席田北俊噚日都77歲生日，佢喺社交媒體上載於一間餐廳食飯慶祝嘅相，見到酒菜精緻，田少就話感謝大家嘅留言同祝福。