【明報專訊】建造業議會噚日喺香港建造學院大埔訓練場舉辦「建造業開心跑2024」，吸引近60間業界機構逾1200人報名參與，賽事有10公里男女子組個人賽及3.5公里開心跑，團體賽更設有「親子牽手跑」及「突出隊型接力跑」，後者有跑手著上地盤背心同戴上黃色安全帽出戰，造型已先取勝。
賽事起點及終點皆設於香港建造學院大埔訓練場，途經大埔海濱公園，全場大獎「建造業最堅毅企業獎」及「人才濟濟獎」均由發展局奪得。
賽事喺去年11月1日至12月10日另設線上熱身跑，冠軍選手累計跑出逾855公里，仲有6個跑手走遍港九新界，喺全數共132個具建造業特色嘅地標打卡，齊奪「建造收藏王」冠軍。
