【Emily】美大學生訪華研修「乒乓外交」 香港首站

【明報專訊】一班美國弗吉尼亞大學嘅學生趁今年中美建交45周年，訪問中國12日同研修當年「乒乓外交」嘅經歷。美國駐港澳總領事梅儒瑞喺社交網站話，訪問團除咗打乒乓波，仲會了解中美關係，好開心佢哋以香港做訪問首站，噚日佢仲同班學生見過面，其間有學生在場打番幾板乒乓波（圖）。根據弗吉尼亞大學公布，今次其實係一個課程，學生會去1971年美國乒乓球代表隊訪華去過嘅地點，仲會同內地大學生友賽，行程亦唔少得去北京長城、紫禁城同上海外灘等地方。