【Emily】新年金多寶下一期攪珠 1號49號最旺

【明報專訊】六合彩新年金多寶攪珠無人中頭獎，星期六舉行嘅下一期攪珠若果10元一注中頭獎，幸運兒可捧走9600萬元，係歷來最高頭獎派彩。Emily翻查過馬會資料，發現新年金多寶經常無人中頭獎，跟住舉行嗰一期攪珠，最旺嘅號碼係1號同49號，唔知今次會唔會又再出現。

馬會由2013年起推出新年金多寶，至今年共舉辦11次（2021年因新冠疫情無舉行），其中只有2014、2017、2019同2023年有人中頭獎，其餘7年頭獎都無人中，金多寶彩金撥入之後攪珠，今次就有8276.9萬元撥入星期六嘅攪珠。

馬會資料顯示，之前6次嘅新年金多寶後下期攪珠中，原來1號同49號均攪出3次，而1號更係最近3次即2018、2020同2022年均出現，堪稱熱門號碼。

雖然馬會不時以億元六合彩巨獎作招徠，但六合彩攪珠頭獎最高派彩紀錄，其實係2021年8月26日幸運兒10元一注獨得91,247,640元頭獎，此前最高紀錄係2013年12月10日嘅90,951,590元。