【Emily】港鐵賀年票1．21售 年初一任搭

【明報專訊】港鐵將喺1月21日朝早5點起發售今年嘅龍年賀年車票，持票乘客可以喺大年初一（2月10日）無限次搭港鐵本地車程、輕鐵、港鐵巴士同埋港鐵接駁巴士。一套兩款嘅「港鐵龍年賀年車票」（圖）以中國書法藝術同現代插畫為設計元素，以紅色及金光做主調，每套賣120元，會員價108元。

賀年套裝除咗有兩張車票，仲有一個票套同埋8個利市封。兩款車票分別由港鐵前建築師區傑棠、本地藝術家李廣晞創作，前者自1985年起為港鐵車站站名以書法題字，今次就繼續以行草書法勾勒出「龍」字，而另一款賀年車票就係李廣晞創作嘅靈龍插畫。

至於利市封就有「小機關」，拉動前方一條捧住金元寶嘅金龍，封套上嘅龍字書法就會變成靈龍插畫，而封套背面附上二維碼，MTR Mobile用戶掃描後可以下載一套6款賀年WhatsApp動態貼圖。