【Emily】新年金多寶頭獎料8000萬 8號最旺

【明報專訊】踏入2024年嘅第一期六合彩攪珠，立即有巨獎等市民去拎，大家投注前可能要留意「好意頭」號碼。六合彩新年金多寶攪珠明晚（3日）舉行，呢期攪珠將有6000萬元金多寶，若10元一注獨中頭獎，馬會估計頭獎基金有機會高達8000萬元。根據馬會資料顯示，過去10次舉行嘅新年金多寶攪珠，諧音「發」嘅8號原來係最旺號碼，一共攪出過4次。

今期金多寶攪珠明晚9點30分舉行，截止投注時間為9時15分。除咗8號之外，25、32、35、36、39同46號亦分別被攪出3次，呢批號碼相信會係新年金多寶嘅熱門號碼。

舊年得主買8個號碼複式彩票

馬會又話，舊年新年金多寶頭獎得主捧走8625多萬彩金，原來係買8個號碼複式彩票中獎；而同一年其餘6個金多寶攪珠，都有6個幸運兒以複式彩票中頭獎。

幸運投注站方面，截至去年10月4日，十大幸運投注站之首仍然係中環士丹利街投注站，累計錄得47名幸運兒中六合彩頭獎；而十大幸運投注站中，舊年有人買中頭獎彩票嘅只有荃錦中心同大埔廣場投注站。