湯文亮：倘沒逆周期措施 香港大鑊

【明報專訊】一年將盡，不少人對香港股市、樓市表現很失望，恒指全年不但下跌15%，而且仲被台灣加權指數彎道超車，股市總市值又輸埋畀印度，而大家充滿期望的樓市，在解封之後先升後跌，雖然全年只是跌了幾個百分點，但始終令人失望。好彩在聖誕節及元旦期間，預料有逾300萬港人外遊，代表港人消費力仍然存在，否則點會全家去歐洲旅行，有部分家庭甚至帶埋家務助理一齊去，如果不是有這個情况，香港明年一定很難捱，現在真係兩睇。