【Emily】旅發局邀小紅書博主宣傳廟街

【明報專訊】廟街夜市月中開鑼，旅發局近日邀請咗幾個喺小紅書有逾萬粉絲嘅博主宣傳廟街景點，例如去油麻地天后廟掛金球同貼金箔、去涼茶店飲火麻仁、去歌檔唱歌等。有曾到廟街食炒辣蟹嘅美食博主話，?家嘅廟街具新鮮感，形容去廟街能「體驗接地氣、具市井氣息和驚喜，完全是吃喝玩樂一條龍」。

美食博主Vanessa喺個人小紅書專頁推介大家去百寶堂飲涼茶，話自己喺香港住咗十幾年，?家先知道「通潤腸」嘅火麻仁原來好好飲；佢又推介大家去「適合中國寶寶體質」及「新年必去」嘅油麻地天后廟祈福掛金球。

另一個攝影博主「帽匠 HatterWei」就推介大家去歌檔體驗露天KTV，同埋去美食攤檔食特色小食等。佢話，一直以為廟街只係賣旅遊紀念品，但原來有濃厚嘅歷史文化風味，形容香港係一個多元城市，百看不厭。