【Emily】今年11月史上最暖

【明報專訊】今個月天文台相繼發出寒冷天氣警告同埋霜凍警告，大帽山仲喺冬至（22日）當日錄得零下1.6℃，係2021年1月以來最低氣溫。不過，天文台引述今個月美國國家海洋及大氣管理局（NOAA）嘅資料，話11月嘅全球表面平均溫度，已經係連續6個月打破當局174年嘅紀錄，成為歷來全球最暖嘅11月。

NOAA本月14日發文，提到今年11月全球陸地、海洋表面嘅平均溫度，比20世紀嘅12.9℃高出1.44℃。非洲、亞洲同埋南美洲都經歷有史以來最溫暖嘅11月；北美洲就經歷咗第二熱嘅11月，大洋洲則經歷咗第五熱嘅11月。根據美國國家環境資訊中心嘅全球年度溫度排名展望，2023年有99%機率係地球有紀錄以來最熱嘅一年。