【Emily】周守仁：應思民主制度會否淪黨派、資本相爭

【明報專訊】噚日聖誕節，天主教香港教區主教周守仁樞機到赤柱監獄主持聖誕彌撒，向在囚者分享信仰哲理並送上聖誕祝福，並探望在囚嘅病患者。另外，周守仁噚日凌晨主持子夜彌撒講道時，就提到應思考民主制度會否淪為黨派、資本之間相爭，同時指出民粹主義引起對立。

周守仁噚日喺副懲教署長吳超覺、懲教署司鐸伍永鴻等陪同下，喺赤柱監獄主持聖誕彌撒，並到監獄醫院探望病患者，趁聖誕送上關懷與支持。佢25號凌晨喺中環聖母無原罪主教座堂主持子夜彌撒，講道時表示民主發展源於過往有君主濫權，但時至今日，佢認為需反思現代民主制度能否體現人嘅尊嚴，抑或成為黨派、資本之間相爭。佢亦指出民粹主義令社會情緒化同對立，並不理想。

香港聖公會大主教陳謳明日前就去到白沙灣懲教所主持聖誕崇拜，向出席在囚者講道並分享宗教信息，趁聖誕節送上關懷與祝福。