【Emily】保聯澄清打風時的士仍受保 蘇拉、暴雨的士索償最少21宗 獲賠540萬

【明報專訊】本港9月初接連經歷超強颱風「蘇拉」及「500年一遇」暴雨，被指「開天索價」嘅的士業界曾以保險不適用於惡劣天氣為加車費理由。不過，香港保險業聯會噚日公布有關嘅索償統計數字，截至11月，同的士有關嘅索償宗數唔少於21宗，涉及金額唔少於540萬元，即平均每宗獲賠25.7萬元。

僅22％的士有買全保

據保聯統計，就呢兩宗極端天氣事件，與汽車業務相關嘅索償金額達1.76億元。對於點解只有唔少於21宗的士保險賠償個案，保聯解釋，原因係的士車主購買汽車綜合保險嘅比率偏低；又引述保監局2022年數據，話全港18,800多輛的士中，只有4000多輛有買全保，佔總數約22%。

保聯亦提及坊間流傳喺颱風或黑雨期間的士保險失效嘅講法，話傳言並非事實，索償數據證明的士喺颱風及黑雨期間仍受保險保障。對於汽車全保投保人喺索償時需要付墊底費，保聯就話，安排屬風險管理措施，係國際保險市場慣常做法，亦適用於不同險種，唔係香港的士保險獨有。