【Emily】中環10米聖誕樹亮燈 提早報佳音

【明報專訊】踏入12月，街上聖誕節氣氛漸濃。冠君產業信託旗下嘅中環花園道3號今年舉辦大型戶口聖誕社企市集，現場仲有一棵10米高嘅巨型聖誕樹，噚晚亮燈儀式仲有超過60個鷹君音樂兒童合奏團成員演奏聖誕歌，提早報佳音。市集有超過20間本地社企售賣應節食品、禮品、手作產品同舉行工作坊等，主辦單位今日仲會邀請200個本地弱勢家庭參與市集活動，提早感受節日氣氛。市集只係舉行兩日，今日傍晚6點結束，而巨型聖誕樹就會擺到月底。