【Emily】港後年辦頂尖品牌會展旅遊展

【明報專訊】旅發局噚日宣布成功爭取全球頂尖嘅會議、展覽及獎勵旅遊活動品牌IBTM，2025年春季喺香港舉辦亞太區大型會展旅遊展會（IBTM Asia Pacific 2025），目標吸引超過1500名嚟自內地、東南亞、印度、日本、韓國等亞太區內市場，以及長途市場嘅業界人士親身來港參與。

旅發局主席彭耀佳話，展會唔單止為香港、內地同全球旅行代理商、酒店、會展場地、景點、航空公司等業界，提供拓展國際商機嘅平台，仲有助提升香港作為國際會展之都嘅地位，目的係促進整個亞太區會展旅遊發展。佢又話，有關品牌決定將亞太區首屆旗艦展會落戶香港，證明環球會展旅遊業界充分肯定香港高度國際化，同埋作為大灣區超級連繫人嘅獨特角色。