【Emily】佛聯會會長籲教徒區選投票

【明報專訊】區議會選舉臨近，政府、公營機構等近日喺不同場合都大力宣傳。香港佛教聯合會日前喺facebook上載短片，由身兼全國政協委員嘅會長釋寬運呼籲佛教徒踴躍投票，做一個關心社會、熱愛社區嘅好市民。

釋寬運喺片中提到，佛教係關心社會嘅宗教，佛法修行重於實踐，舉例釋迦牟尼佛說法49年，內容包括各類「日常民生事」。佢話，今屆區選政府會貫徹落實「愛國者治港」原則，完善地區治理體系，呼籲全港佛教弟子履行公民權利，選出有能力、有承擔，以及真心誠意為服務市民嘅區議員。

日前香港聖公會大主教陳謳明亦拍片支持中西區中區直選候選人謝戰，表示尤其認同謝戰提出「不談政治，只談服務」嘅政綱，而謝戰本身係天主教香港教區選委。其他中區候選人包括民建聯施永泰、自由黨馮家亮、新民黨郭杰駿及彭舜玟。