【Emily】「港鐵展廊」今起預約 8000車票砌打卡牆

【明報專訊】因疫情休館逾兩年嘅港鐵展廊將於下月9日重開，市民今早10點起可以喺港鐵網站預約30天內嘅場次，名額先到先得，首2500名參觀者可獲贈限量版列車襟章一個。

港鐵話休館期間曾翻新展廊，為場內增設多個「打卡點」，包括位處入口嘅「鐵仔香港發現之旅」主題牆，配合鐵路元素介紹本地美食、風景名勝和藝術文化。另有8000張車票拼成嘅「港鐵車票萬花筒」（圖）、一比一模擬新舊列車車卡、集合99個港鐵車站經典顏色嘅打卡牆等，仲有模擬駕駛列車遊戲可以試玩。