【Emily】周四化身LV天橋 星光大道停開兩晚

【明報專訊】康文署噚日公布，由於有團體舉行活動，尖沙嘴星光大道自聽日（29日）晚上6點起，至周五（12月1日）朝早8點會暫停開放，呼籲市民盡量避免去星光大道。雖然署方無交代係咩團體舉行活動，但其實早幾日國際品牌Louis Vuitton（LV）已宣布，將於周四（30日）喺星光大道舉辦2024年初秋男裝系列嘅時裝秀。

今次係LV首次喺香港舉辦時裝秀，由K11 MUSEA聯同星光大道將尖沙嘴海濱改造成時裝天橋，K11 MUSEA外嘅大型屏幕到時會直播。今次亦係LV嘅男裝創意總監Pharrell Williams發布嘅第二個男裝系列，上一次喺法國巴黎嘅新橋（Pont Neuf）舉行，同樣於室外。

翻查資料，原來LV喺香港開第一間分店嘅選址為半島酒店，?家首個喺香港搞嘅時裝秀亦選址尖沙嘴，又有多一重意義。