【Emily】150青年赴京「體會協商民主」

【明報專訊】中央及特區政府推動青年北上學習，由全國青聯、港澳特區政府、港澳中聯辦等單位近日搞咗個「港澳青年看祖國」交流團，港澳兩地150名青年北上，多名立法會議員包括梁毓偉、邱達根、林琳、吳傑莊及霍啟剛等都有參加。吳傑莊話，一行人噚日去咗參觀中國共產黨歷史展覽館、中國國家博物館，學習黨同國家嘅光輝歷史，仲話增強咗大家嘅「四個自信」。青年團行程緊湊，今日會去天安門睇升旗儀式。

梁毓偉話交流團拜會咗全國人大常委會基本法委員會，獲主任沈春耀接見，亦參訪北京市嘅市民熱線服務中心。佢形容整個行程令青年從中央到社區層面，「深切體會國家協商民主的核心價值，獲益良多」。特區政府公布，副政務司長卓永興噚晚上北京，將參加青年流團今日嘅活動，聽朝返港。