【Emily】百萬行首踏港珠澳橋 仍待批核

【明報專訊】公益金為咗慶祝成立55周年，下年1月7日將首次喺港珠澳大橋香港連接路舉行「公益金55周年百萬行」，活動正待當局批核。呢次百萬行起點喺大橋觀景山隧道西面入口，行到去沙螺灣附近折返，路程長約6公里，預計需要兩個鐘頭，中途不設退出點。

下周一起報名 最少捐800

公益金話呢次百萬行喺禁區範圍進行，設有人數限制，每個步行者必須預先報名並最少捐款800元，講明先到先得，額滿即止。有意參加嘅個人可以喺下星期一（20日）上晝10點鐘開始，透過Cityline網站報名。

活動當日，嘉賓隊伍上晝8點起到場，普通隊伍就10點起到場。參加者將會喺亞洲國際博覽館集合同解散，由九巴提供穿梭巴士服務，公益金喺活動期間會實施一系列保安措施，所有步行者必須嚴格遵守。