【Emily】夏寶龍南下深圳 晤太古集團CEO

【明報專訊】國務院港澳辦主任夏寶龍南下深圳，噚日會見英國太古集團行政總裁施銘倫一行人。港澳辦喺傍晚發新聞稿，並附上照片，中聯辦主任鄭雁雄同副主任劉光源都在場。

施銘倫係太古最終控權股東施懷雅家族成員，佢早幾年都做過上市公司太古股份嘅主席，?家係太古股份同國泰航空嘅董事，不時來港。

新聞稿內一共5次提到「一國兩制」，包括引述夏寶龍話對太古長期以來扎根香港，支持一國兩制，促進香港經濟發展表示肯定同讚賞。夏寶龍又話，希望太古繼續堅定支持一國兩制方針，積極參與中國高水平對外開放，共享中國龐大市場同開放發展嘅紅利，為香港經濟社會發展多做貢獻。

施銘倫就話太古看好香港發展前景，對一國兩制充滿信心，會繼續加大對香港同內地嘅投資，積極參與大灣區建設。太古舊年提出未來10年投資千億元發展中國內地、香港同東南亞嘅地產業務，單係內地就佔咗千億嘅一半。