【Emily】維港泳「海上遊樂場」就位

【明報專訊】維港泳喺嚟緊嘅周日（12日）舉行，大會當日會喺尖沙嘴海濱花園舉辦全港首個海上遊樂場，相關設計噚日曝光（圖）。呢個遊樂場兩星期前起喺柴灣公眾貨物裝卸區組裝，噚日拖往尖沙嘴海濱花園做最後準備。大會話遊樂場上6項遊樂設施動靜皆宜，包括巨型浮波、「無邊鞦韆」及「相躍彈牀」等。遊樂場當日朝早9點起開放，每節45分鐘，只供成功登記者參加。

大會同時設計長10米嘅「巨型飛天泳手」，將喺周六充氣，畀維港兩岸公眾遠距離「打卡」。