【Emily】低碳版「饑饉30」 林超英教生活貼士

【明報專訊】糧食危機日益嚴峻，?家全球近8億人都捱緊餓。香港世界宣明會今年首次舉辦低碳版「饑饉30」，推出多項低碳活動，例如定向挑戰、單車發電挑戰、環保再生工作坊等，畀參加者體驗不一樣嘅「饑饉30」，以行動帶來改變，同埋呼籲大眾關注氣候變化同飢餓問題。

今年「饑饉30」已經喺11月3日至4日於馬灣挪亞方舟舉行咗，參加者分別透過30小時或8小時饑饉，感受「升溫的飢餓」，為非洲嘅飢餓兒童及群體籌款。

天文台前台長林超英早前出席活動中「升溫的世界」分享會做演講嘉賓，講富裕國家嘅碳排放導致脆弱地區兒童面對飢餓嘅不公義狀態，又探討點樣實踐低碳生活。佢話氣候變化係人類嘅生死存亡問題，我哋一方面要減少日常用電、少開冷氣，亦要減少購物，以減碳排放。