【Emily】跨部門模擬灣仔停電 首用三維製圖系統

【明報專訊】警務處港島總區噚日聯同醫管局、消防處、運輸署、機電署、地政總署同埋香港電燈，喺跑馬地東華東院舉行代號「舞鳳」嘅跨部門重大事故演習，模擬區內發生大規模停電事故，以加強警方同各持份者嘅協作、預防及應變能力。

演習分為桌上演練同實體演習兩部分。前者以像真情境模擬繁忙時間喺灣仔區發生大規模停電事故同後續引發事件，並加插各類型嘅突發情况，需要即時部署；後者模擬東華東院受事故影響停電後，連後備發電機都失靈，導致部分病人需要緊急轉移至其他醫院。

警方話，今次演習首次應用警務處資訊系統部創新方案實驗室所研發嘅三維製圖系統（GAIA），以三維形式呈現各種地形同建築物嘅影像，有助盡快掌握有關地形、策劃同執行行動方案，提升救援效率。