【Emily】湯家驊遊新疆 落山跌親肋骨裂

【明報專訊】政界唔少人都趁立法會休會同《施政報告》公布前唞唞去旅行或考察，行政會議成員湯家驊（Ronny）就去咗新疆旅行，不過喺以風景聞名嘅喀納斯，跌親仲搞到兩條肋骨裂咗。

Ronny喺facebook話，前日去喀納斯禾木村上山睇日出，落山一唔小心踩到霜跣親。佢之後飛返首府烏魯木齊去當地醫院睇醫生，Ronny話醫生診斷佢兩條肋骨裂咗，恐怕一段時間要受皮肉之苦，佢向Emily補充話，?家喺牀上起身或企起身都仲有啲痛，需要戴住腰封。

Ronny話，喺新疆睇醫生、做電腦斷層掃描（CT Scan）、診症到攞藥，唔使一個鐘頭。佢形容今次經歷，一方面當買個教訓，同時了解到內地嘅醫療系統，都算係一種體驗。