【Emily】兩局長上周嫁女 鄧炳強休假撞正打風

【明報專訊】官場近日喜事連連，兩位局長嘅千金先後出嫁。其中保安局噚日證實，局長鄧炳強女兒上個禮拜六（7日）出閣。鄧炳強舊年接受《am730》訪問時提到，希望女兒「早啲結婚，畀我做公公，我都會好開心㗎」。運輸及物流局亦證實，局長林世雄個女上星期一（2日）出閣，林局長隨後兩日休假，由副局長廖振新署理局長職務。

翻查保安局facebook專頁，上星期因應颱風「小犬」逐漸逼近本港，負責協調應急工作嘅保安局，聯同14個政策局同部門嘅代表召開跨部門會議，但保安局長鄧炳強不在席，由副局長卓孝業主持。

保安局發言人話，鄧炳強上星期五起一連3日休假，其間由卓孝業署理局長職務，但就話鄧一直都有就重要嘅事同埋應對颱風嘅事同局方溝通；至於佢上星期出席立法會會議時提到右眼發炎而要遮蓋，局方話佢「現已無大礙」。運輸及物流局就話林世雄喺「小犬」襲港期間一直履行職務，無休假。