【Emily】林兆康調職 何立基接任觀塘DO

【明報專訊】區議會12月選舉前夕，再有地區嘅民政事務專員（DO）換人。政府噚日公布，原觀塘DO林兆康調職，由原為財經事務及庫務局首席助理秘書長（庫務）嘅何立基（圖）接任DO一職。

經歷早前黃大仙DO黃智華及北區前DO莊永桓出席送別宴嘅風波後，據Emily所知，林兆康今次走得瀟灑，團體未有再搞歡送宴會。

政府公布何立基今日（3日）起調任觀塘DO，何立基2009年加入政務職系，先後服務於民政事務總署和前運輸及房屋局，此前在財庫局工作。至於林兆康會出任商務及經濟發展局副秘書長。林於2022年6月起出任觀塘DO。

改制後嘅區議會選舉，DO權力集於一身，即係區議會主席，同時掌領關愛隊、地區「三會」等工作。