【Emily】赴港大演講超時 葉劉：同學熱情唔肯走

【明報專訊】做過政務官、問責官員嘅立法會議員兼行政會議召集人葉劉淑儀，早前應港大政治與公共行政學系榮休教授卜約翰（John Burns）邀請，同該學系一班本科生演講及交流，主題係「How the executive-led system is working and the role of Legco in it」，講香港政制嘅歷史背景、行政主導嘅來源及行政立法嘅關係、行政會議非官守成員角色，以及集體負責及保密制等。

當日有70多名本地及海外學生到場，葉太話學生踴躍提問，原定一小時嘅講座亦「超時」至近兩小時先完成，但同學仍然未肯走，喺課室外排隊同佢合照，交流唔同議題，葉太都被佢哋嘅朝氣及熱情感動。

話港從政出路愈來愈廣

葉太又話，現時喺香港從政嘅出路愈來愈廣，以前要加入政府核心只能通過投考政務官，?家可以考慮參選區議員、擔任議員助理，例如新民黨就有4名助理加入政府。