【Emily】戴耀廷獄中學日文 背完47都道府縣

【明報專訊】因民主派初選案被還押嘅戴耀廷（Benny），目前羈押喺赤柱監獄，立法會前議員邵家臻噚日去探佢，話Benny喺獄中學日文，剛剛學識用日文背完1都（東京都）、1道（北海道）、2府（大阪府、京都府）、43縣，話Benny希望他日出獄可以同太太行勻全日本。

阿臻講，Benny仍然勤讀書，睇完已故南非黑人民權領袖曼德拉嘅自傳《漫漫自由路》，Benny講最深刻嘅內容，係有次聆訊，曼德拉親身為自己辯護，講及「如何成為自己想做的人？」、「我是如何生成今天的樣子？」，Benny都話自己喺度整理緊呢兩個問題。

阿臻又話，Benny喺獄中放風時，會喺空地跑一百幾十個圈，大概跑5公里，跑完冲涼，然後就去見探佢嘅親友，所以看起嚟都特別精神。