湯文亮：暫不出售的銀主盤

【明報專訊】在特首李家超發表《施政報告》前，有老友打算偷步買樓，佢知道市場上有245個銀主盤，而準銀主盤可能有幾十倍，於是搵物業代理了解一下那些銀主盤，如果啱價，可以用子女名義買返一兩個單位，但已經進行了幾個月，莫講話「討價還價」，甚至連一個銀主盤都未睇過，唔通物業代理不用食飯？又話冇生意，應該積極推銷那些銀主盤，而銀主收了那些物業返嚟，點解唔賣？實在令人費解。