【Emily】全球酒店50強 瑰麗奕居入前五

【明報專訊】《2023年全球50最佳酒店》排名出爐，位於尖沙嘴嘅香港瑰麗酒店同埋喺金鐘嘅奕居齊齊入榜，仲分別排第二同第四位。兩間酒店雖然分屬唔同財團，但大家噚日一齊開party慶祝。慶祝酒會喺「中立場地」香港故宮文化博物館舉行，文化體育及旅遊局長楊潤雄、旅遊業界等人士出席。

《2023年全球50最佳酒店》由580個旅遊專家投票選出，榜單蒐羅全球35個不同地區嘅頂尖豪華酒店，評選為榜首嘅係意大利Passalacqua Lake Como，酒店只設24間房，房價1300美元（約1萬港元）。

香港嘅瑰麗酒店同奕居就打入前五。Emily用訂房網站格過價，以11月3日（周五）為例，瑰麗酒店最平嘅房要7500元；奕居則要6100元。

楊潤雄讚揚香港兩間酒店獲獎，話充分說明香港酒店業嘅專業精神，又話業界熱誠同貢獻有助香港成功。