【Emily】單車節慈善賽 程鼎一多名議員捧場

【明報專訊】香港單車節活動噚日喺尖沙嘴起步，百計單車好手喺賽道飛馳，發生咗驚險嘅炒車事故。活動分咗唔同組別，其中一項係「總裁慈善及名人單車遊」，主要係一班政商界人物喺梳士巴利道一帶繞兩圈，路程只有約1公里長，大家都係志在參與兼做吓善事，報名費1.5萬元，全數作慈善捐款。

名人賽雖然係「慢遊」，但參加者都認真，穿上單車服、戴齊安全裝備出賽。單車節屬旅遊推廣項目，名人賽有旅遊發展局總幹事程鼎一（左一）落場，現場仲見到多名立法會議員參與，包括邵家輝（右一）、容海恩（左二）、姚柏良及陳祖恒等。