【Emily】推動打流感針 盧寵茂盼大家健康參與區選

【明報專訊】立法會噚日復會，政府外展隊到議會為議員接種季節性流感疫苗，至少有50名議員參與，人數比去年增加逾六成。Emily現場所見，立法會主席梁君彥即時接種，醫務衛生局長盧寵茂就喺隔籬傍實。盧寵茂提到，12月10日區議會選舉當日，冬季流感高峰期已經開始，希望議員落區推動選舉工作時，同時推動疫苗接種，「希望大家保護好自己，接種疫苗後參加所有區選活動」。

盧寵茂話，由於今年係解除口罩令後首個冬季，相信今年嘅呼吸道感染、流感會比較嚴重。佢又提到，今年至今已經有21宗兒童感染流感後嚴重個案，當中5人死亡，而嚴重個案中，約75%嘅人未打流感疫苗。

梁君彥就話流感威脅來勢洶洶，預期將會為市民同公共醫療體系帶來嚴峻挑戰，希望透過今次安排立法會議員打針嘅活動，藉此鼓勵市民盡快打針。