【Emily】港鐵Last Day告別兩頭騰 江玉歡：全身心駐紮金鐘

【明報專訊】立法會選委界別議員江玉歡（Doreen）上年8月加入港鐵擔任法律主管（物業），但早前已經辭職，噚日最後一日返工。Doreen噚日喺facebook分享，提到過去一年往返金鐘同九龍灣之間，雖然行程表滿到無私人時間，但收穫滿滿，而且感受頗深。轉番私人執業後，Doreen嘅新辦公室喺金鐘海富中心，經天橋就可行去立法會大樓，佢話未來兩年將全身心「駐紮」金鐘。

Doreen提到過去一年喺港鐵工作，認識到企業內上至總監、下至基層員工都踏實低調，勤奮工作但毫不張揚，對香港社會熱心服務嘅堅持扎根喺每個員工心中，而與同事嘅合作亦令佢對房地產、城建發展、交通運輸方面嘅法律認識更深，所以即使離開，仍會持續關注港鐵呢！