經濟
「姜濤」辭職惹虛驚 原來撞名
【明報專訊】MIRROR成員之一的姜濤人氣高企，佢近日言談間不時講笑話退休言猶在耳。誰不知人有撞名，喺香港上市嘅鄭州銀行（6196）噚日發咗張公告話，佢哋嘅首席資訊官姜濤因工作調整辭任，但佢辭職後會繼續擔任創新業務總監云云。點知網上傳吓傳吓，有網上財經媒體爆出「突發！姜濤宣布辭職」消息，震撼各位「姜糖」，惹起網上恐慌。難道港星姜濤真係唔do？但明明佢剛先話要飛去澳洲拍嘢，睇清楚啲，原來撞名啫，虛驚一場。
至於MIRROR另一成員陳卓賢（Ian），佢亦同雅居樂（3383）前副主席陳卓賢撞名。雅居樂陳卓賢較早前俾港交所（0388）發聲明批評，要去上堂參加合規培訓，消息一度嚇親「鏡粉」後，就因為要更多時間處理個人同其他商業事務而喺9月中辭職。始終事隔一段時間，陳卓賢嘅粉絲當然反應無咁大！
email: [email protected]
