【Emily】林超英教拆唧筒 取塑膠零件回收

【明報專訊】「藍廢紙、黃鋁罐、啡膠樽」講就容易，但好多物品都由多種物料組成，未必可以直接攞去分類回收。天文台前台長林超英噚日就喺facebook圖文並茂教路，點樣將冲涼液等嘅唧筒煎皮拆骨，分拆塑膠部分回收。

佢話唧筒不能直接當塑膠回收，因為內含金屬。首先，要兩邊用力拔出蓋頂同吸管，再用螺絲批撬起蓋頂嘅套圈並取出，再撬開連接位，就可以取出彈簧。

林超英話，原來一條唧筒由10件零件組成，其中兩件係金屬，包括鋼珠同彈簧，一個套圈物料不明，其餘7件相信係可回收塑膠。