【Emily】公民科DSE「達標」 符公務員入職要求

【明報專訊】高中公民與社會發展科（公民科）自2021/22學年取代通識科，今個學年亦推展到中六。噚日教育局宣布，喺中學文憑試（DSE）公民科考到「達標」成績，就符合公務員相關職系嘅入職要求。

教育局話，公務員事務局認可公民科文憑試嘅「達標」成績為符合公務員入職要求。喺認可前，局方對公務員入職要求係要DSE考到任何5科二級成績（5科2），包括應用學習有「達標」成績及其他語言科目E級都計。認可後，公民科會被當中「5科2」嘅其中一科。

首屆公民科文憑試明年舉行，成績只分「達標」與「未達標」，課程內容包括到內地考察，但唔涉及公開評核，教育局話呢科係希望培養學生「慎思明辨和解難的能力」及「正確的價值觀和國民身分認同」。