【Emily】迪士尼加價 門票3級變分4級 全年最繁忙特定日票價879元

【明報專訊】香港迪士尼樂園噚日宣布今日起上調門票票價，同時推出特別優惠，喺11月15號之前，一律可用原價買一日門票入場。

原本迪士尼門票分3級，包括「普通日子」、「高峰日子」及「特定高峰日子」；未來改為4級，第1級（普通日子）票價維持不變；第2級（高峰日子）及3級（特定高峰日子）成人票新票價分別係719元同799元。新增第4級門票適用於全年最繁忙嘅特定日子或季節，成人收費879元，小童票價659元。長者票價維持100元。

「奇妙處處通」年票計劃，除咗長者會籍連續第12年維持不變，成人、小童同學生年票都加價，加幅最小係小童銀卡，加90元，加幅最多嘅成人白金卡要加400元。迪士尼對上一次加價係2019年6月。