【Emily】民青局境外實習計劃 234學生完成 港大生分享倫敦鐵路營運經驗

【明報專訊】全球同本港都喺新冠疫情後復常，民政及青年事務局亦重啟「企業內地與海外暑期實習計劃」，今輪計劃有24間企業提供為期不少於6星期嘅境外實習機會，共有234名學生喺剛過去嘅暑假完成實習。港鐵係其中一間參與嘅企業，提供10個實習名額，崗位涵蓋營運、工程、顧客服務等範疇，實習地點包括北京、杭州、深圳同英國倫敦。

有份參與計劃、香港大學城市規劃碩士學生林芷婷，獲安排到港鐵全資附屬公司喺倫敦營運嘅伊利沙伯線客戶體驗部，負責車站前線工作。佢話，見到倫敦點樣融合保育與鐵路發展，當地部分車站採用新舊建築合併設計；海外工作體驗亦令佢對真實商業世界有所認識，再諗事業發展「可以做咩、喜歡做咩」。

另一參與計劃嘅企業新世界發展，安排19名學生分別到深圳、廣州、上海、武漢嘅業務單位實習，並按佢哋嘅長處及修讀科目分配到唔同部門。其中，喺英國巴斯大學修讀工商管理嘅陳樂希，獲安排往上海嘅商場負責推廣工作。佢話，覺得實習有助加深對自己和內地嘅了解，擴闊視野。