【Emily】特首落區突擊考小五生串「English」 同學仔串錯獲勉勵 話當時唔知係邊個

【明報專訊】特首李家超噚日落區到荃灣福來邨，街坊見到佢都好興奮咁同佢揮手打招呼。佢沿路撞到一班小學生，仲即興考吓佢哋「英文本身叫咩？」一個讀緊小五嘅男同學仔就答「English」，但就串錯做「E-N-G-H-T」。李家超就教佢係「E-N-G-L-I-S-H」，仲勉勵男生「差唔多啦，慢慢嚟，加油就得㗎啦……所以要返去要補吓習，又要多溫書」。

李家超勉補吓習多溫書

Emily之後問番呢個小學生，佢就話當時唔知道李家超嘅身分，知道之後心情好激動，「我串錯咗，跟住佢就鼓勵我話要多溫習。頭先仲唔認得（李），我同學同我講，我先知道」。李家超之後仲去咗兩間社區中心，陪長者傾偈，又玩埋掟飛鏢同捉棋，?到一班街坊好開心。