【Emily】今年度目標請50個AO 少過去年

【明報專訊】政府明日（16日）開始招聘政務主任（AO）、行政主任（EO）等6個職系，下月6日截止申請。近年AO離職情况嚴重，但今年度招聘目標為50人，較去年度55人略為減少。另外為鼓勵大學生加入政府，政府噚日喺港大舉行「政府職位招聘展覽」，共21個政策局和部門參與。

6職系明起招聘 10．6截止

公務員事務局噚日宣布，政務主任、二級行政主任、二級助理勞工事務主任、二級助理貿易主任、二‍級管理參議主任、二級運輸主任嘅聯合招聘明日開始，10月6日截止申請。政府早前放寬應徵限制後，將於2024/25學年畢業嘅大學本科生都可以提早申請。今年度AO同EO嘅招聘目標分別為50人同220人，其中AO目標較去年少5人。

至於噚日嘅「政府職位招聘展覽」，警務處、消防處、香港電台等21個政策局或部門參與，旨在畀大學生認識唔同政府職系嘅工作，鼓勵佢哋加入政府。公務員事務局長楊何蓓茵亦到場參觀，佢話政府稍後會到各大學舉行招聘展覽。