【Emily】澳門船飛周五起加價 175蚊起 加幅約一成

【明報專訊】打算喺周五（15日）「過大海」去澳門嘅人要留意喇，金光飛航同噴射飛航宣布下周五起加價。以港澳碼頭往返澳門嘅船票為例，兩間船公司嘅標準艙及普通位經價格調整後，平日日航票價175元、周末及假日190元、夜航就要220元。現時金光飛航平日標準艙票價160元、周末及假日175元、夜航200元。

加價後，噴射飛航來往澳門及香港國際機場嘅普通位成人票價297元；2至12歲小童、2歲以下小童，分別226元及165元；金光飛航來往澳門及香港國際機場嘅標準艙成人票價297元、小童225元。

船公司推優惠 上網買飛九折

噴射飛航話，今次加價得到澳門政府批准，加幅8.5%至10%不等，係2017年後首次調整票價；並會喺加價當日至12月15日推出票價優惠，乘客喺網站選購e-boarding來回船票有九折優惠。