經濟
騰訊雲公眾號暗示 AI聊天機械人或今發布
【明報專訊】生成式AI今年成為市場熱話，適逢騰訊（0700）今日舉行騰訊全球數字生態大會，騰訊雲公眾號噚日就出一篇文章，標題係「等不及了，先聊聊」，內容就係一張長圖，睇嚟暗示緊今日將會喺會上發布AI聊天機械人，但更多細節就要今日先公布。
騰訊雲「劇透」長圖其實係一張對話圖片，AI通過對話最後寫咗一段公眾號短文，不過用家叫AI介紹自己之後就打咗格仔，相信大家都會好關注今日騰訊全球數字生態大會嘅公布。
其實上個月百度 （9888） 旗下的「文心一言」推出APP後，已經有內媒報道，騰訊旗下大模型都喺監管當局獲批名單當中，不過集團仲未推出產品。除此之外，亦有消息指出，集團會喺騰訊全球數字生態大會正式發布混元大模型，但未知會唔會向公眾開放，唔知問問文心一言佢會唔會知呢？
