【明報專訊】政府活化觀塘污水處理設施，建成茶果嶺海濱公園，唔少家長帶同小朋友去玩，而公園內嘅「樹屋」滑梯，喺假期時小朋友排長龍爭住玩。渠務署同環保署人員喺打風後，前日就同實政圓桌立法會議員田北辰去公園參觀。公園遊樂設施好多人話好玩，73歲嘅田二少決定親身體驗，爬繩網上樹屋滑梯，然後一衝而下。田二少仲話原來都幾好玩，難度唔係太大，建議做公公婆婆嘅，可考慮帶孫仔孫女去公園呢啲健康好玩嘅地方。
玩滑梯無難度，但田二少到訪當時係烈日當空嘅12點半，話行咗一陣幾乎中暑，而公園大但遮蓋地方唔多，佢即刻同政府人員反映，對方話內部會商量一下，田二少就希望設施可以盡快改善。
