【Emily】東鐵「烏蠅頭」「再就業」 最快年底灣仔海濱展示

【明報專訊】港鐵東鐵線俗稱「烏蠅頭」嘅12卡列車（MLR）今年5月退役，港鐵噚日宣布，將其中兩卡「烏蠅頭」捐畀發展局，用於重置灣仔海濱時作展示及活動空間，?家仲要商討設計並裝修，預計今年底可向公眾展示。

港鐵提到，捐出嘅兩卡「烏蠅頭」均連接駕駛室，日內將會經水路將車廂運送到灣仔第四期水上運動及康樂主題區，而港鐵團隊已經展開前期工作，喺車廂展示嘅位置鋪設路軌、軌枕及道碴，同時為車廂做安全檢測等，就如何長期保養車廂向局方提供意見。

港鐵自2021年推出「退役列車保‧傳計劃」，畀退役列車有「第二生命」，港鐵至今同超過20個非牟行團體、社區伙伴及政府部門合作，將超過500件退役列車部件如座位、扶手等捐畀長者中心和學校等，其中有列車部件被改造成肢體伸展運動嘅設備，亦有學校用車廂作為學習點。