【明報專訊】近日有不少蝕讓成交報道，而且蝕得好甘，但如果大家深入了解一下，就會發覺今日蝕讓的單位點解當日可以賣到咁高價錢？其實，這是地產商做生意的手法，唔能夠話當日售價有做假之嫌，但地產商為了谷高樓價，以便可以用高價賣出其他單位，或者令到買了其他類似單位的業主以為自己賺了很多錢而唔會撻訂，對於某些高價成交是會給予高額回贈，或者替買家繳付高達30%印花稅。事實上當日高價成交對於樓市是一個負擔，萬一市場上類似單位成交價跟唔上，即使樓市上升，都會給人一個錯覺是樓市下跌。換句話說，大家都不能在市場的成交睇到樓市去向，結果是不利樓市健康發展。
