經濟
李嘉誠露面捐錢撐潮州 風采依舊
【明報專訊】李嘉誠係潮州人同埋熱心公益就個個都知，李嘉誠基金會噚日喺facebook發帖文，指誠哥早前捐出1億元人民幣支持潮州市人民醫院興建綜合樓，推動提升潮汕地區醫療服務質素。
李嘉誠基金會亦貼出一張相，正係潮州市委書記何曉軍今年3月訪港同誠哥見面時合影，仲tag埋「他來自潮洲」，睇返張相誠哥都係風采依舊，相當之精靈！
其實誠哥一舉一動都好受關注，之所以咁講係因為今個星期初網上流傳緊一張聲稱係誠哥切96歲生日蛋糕嘅相，唔少網民都話誠哥精神奕奕唔似96歲，仲有唔少內媒都有轉發報道，笑言誠哥生日慶祝好簡樸。
網傳切96歲生日蛋糕實為改圖
不過，張相原來係改圖，基金會發言人都證實相中「96」個牌係假的。小琴都睇過張相，圖中有唔少人舉起手機影相，但啲手機型號似乎唔係近年產品，相信大家都睇得出唔係真嘅，呢個年代網上資訊真係唔可以盡信。
email: [email protected]
