Emily Online｜港燈伙9間長者服務機構推送暖活動　帶老友記睇戲 (18:52)

新冠疫情令唔少老友記少咗出街，為咗鼓勵老友記多啲出街同認識復常後嘅社會面貌。港燈董事總經理鄭祖瀛早前陪同近300名嚟自港島各區16間長者服務中心嘅老友記，去咗睇電影《別叫我「賭神」》，參加者包括百歲人瑞，部分人從未睇過戲。

港燈聯同本地9間長者服務機構推出「送暖樂樂街」活動。鄭祖瀛話，疫情令老友記「悶慣咗」，唔肯或唔習慣出街，缺乏溝通同社交機會，長遠會對認知能力同體能有負面影響。鄭希望，藉活動提供出街嘅誘因，鼓勵老友記「與其獨樂樂，不如眾樂樂」。

港燈話除咗睇戲，遲啲仲會搞一連串活動同體驗，初步包括「影樓留倩影」、「時光隧道電車遊」、「山頂爐峰之旅」、亦計劃去維港海濱同地標「打卡」，希望有助老友記走出社區，體驗疫後香港。