【Emily】霍啟剛、查毅超、紀文鳳等 浸大頒7榮譽院士

【明報專訊】浸大噚日公布頒授榮譽大學院士予7人，包括港協暨奧委會副會長兼立法會體演文出界議員霍啟剛、香港科技園主席查毅超、香港明天更好基金首任行政總裁紀文鳳、中國廣核新能源控股助理總裁李健、馬百良藥廠總裁馬泰炎、美國俄勒岡大學榮休教授Alexander B Murphy，以及浸會大學基金榮譽會董王克勤。

霍啟剛喺社交平台話非常榮幸，認為係對佢工作嘅肯定，亦係佢未來繼續參與社會工作、推動文化體育發展嘅動力，並希望未來喺浸大繼續與各界攜手，推動香港做好中外文化交流中心及體育之都嘅角色。

榜上其他人方面，查毅超擔任唔少公職，包括特首顧問團成員、引進重點企業諮詢委員會委員、貿發局理事會成員等。多人跟浸大有各種淵源：新世界發展前非執董紀文鳳係資深廣告界人物，曾任教浸會學院；來自會計界嘅李健2021年獲委任為中國財政部香港會計諮詢專家，2017年起連續6年出任浸大校董會成員；馬泰炎任職嘅馬百良藥廠，係浸大基金永遠榮譽主席，喺新冠疫情高峰時，向浸大捐贈藥物；Murphy於2015年獲浸大林思齊東西學術交流研究所委任為傑出院士；王克勤現為浸大諮議會成員。