【Emily】警隊二把手退休 寄語同袍要有「心思」

【明報專訊】副警務處長（行動）袁旭健噚日起展開退休前休假，由周一鳴接替其職位。袁旭健日前接受警隊官方刊物《警聲》訪問，提到37年警務生涯中，最難忘係2019年發生「黑暴事件」，話唔少年輕人被慫恿作出嚴重違法行為，最終被定罪和判監，形容「代價沉重」，而喺背後煽動嘅「幕後黑手」卻已潛逃海外；又對前線人員受傷、被起底、宿舍被毁及家屬被恐嚇感痛心。

袁旭健形容，1980、90年代係槍林彈雨、持械行劫案頻生嘅年代，佢當時獲派駐總區重案組，「幾乎每天都要穿避彈衣上班」，隨時突擊搜查目標單位同拘捕疑犯。佢寄語同袍要做個有「心思」嘅警察，即係多角度「思」考，面對複雜問題要勇於跳出思考框架，破舊立新，嘗試以不同方法解決；亦要有同理「心」，並考慮法理情以獲得社會支持，令防罪滅罪工作事半功倍。