【Emily】海洋公園再推全年會籍 成人$1380 小童$980

【明報專訊】相隔3年，海洋公園再次推出全年會籍優惠，價錢分別係成人1380元、學生及小童980元，全年會員可以喺購買日起一年內無限次免費入場（休園日及不適用日子除外），並可於指定星期一同星期四免費帶同毛孩入場。

喺今年10月31日或之前，同時購買3個或以上全年會籍，可享八五折，如果持有今年9月30日到期嘅「無限FUN入場證」人士，亦可以最遲喺到期日後一個月內，以八五折優惠續購新嘅全年會籍，即成人價格為1173元。

翻查資料，上一次海洋公園推出嘅「智紛全年入場證」已經喺2020年7月1日停止發售，當時分咗3種會籍：優越卡、金卡及銀卡，成人價分別為2580元、1340元及1050元，不過當時嘅優惠、入園日期同今次「海洋公園全年會籍」不盡相同。