湯文亮：來港工作的人 才會留港消費

【明報專訊】有開車行兼維修的租客同我講，唔係冇生意，而係冇人手，現在班伙記已經做到「爆晒偈」，申請外來工作人員又冇消息，如果班伙記頂唔順話唔做，車行可能要執笠。唔知點解政府對於批核外來工作人員會咁慢，難道政府唔知道香港現在缺人缺到黐線，最保守估計欠30萬人，應該趁做生意的人手上仲有魄力以及資金，從速批准大量人才專才來港，如果太遲的話，恐怕他們已經結束生意，放寬專才來港也沒有幫助。